आगाेले जलेर बालिकाकाे मृत्यु

अर्घाखाँची। जिल्लाको भूमिकास्थान नगरपालिकाको वाडनम्वर ५ असुरकाेट साेमवारमा दिउँसो आगोले जलेर बालिकाको मृत्युु भएकाे छ।
असुरकोटको कुडेपानीमा रहेको खिमबहादुर विकको घरमा आगलागी हुँदा घरभित्र रहेकी ४ वर्षीया नातिनी अप्सरा बिकको जलेर मृत्यु भएको जिल्ला प्रहरी कार्यालय अर्घाखाँचीका प्रमुख डीएसपी प्रतीत सिंह राठोरले बताउनुभयाे ।
आगलागीमा २ घर र २ गोठ जलेर नष्ट भएका छन् । घरमा लागेको आगलागीमा परेर बालिका घर भित्र एक्लै रहेकाे अवस्थामा घरमा आगाे लागेपछि जलेर मृत्यु भएकाे प्रहरीले जनाएकाे छ ।
आगलागीमा खिमबहादुर बिक र बारबहादुर बिकका २ घर र २ गोठ गरि ४ घरगोठ समेत जलेर नष्ट भएका छन् ।