अर्घाखाँची,असोज १३ गते । बुटवलबाट गुल्मिको पुर्कोट जाँदै गरेको लु १ ज ४७२४ नम्वरको फोर्स गाडी दुर्घटना हुदाँ मृत्यु भएकाको पहिचान खुलेको छ ।
मृत्यु हुनेमा गुल्मी जिल्ला मदाने गाउँपालिका-६ पुर्कोट वस्ने वर्ष १० की अरुणा थापा र गुल्मि मदाने गाउँपालिका-७ नेटा खर्क वस्ने वर्ष १३ को नारायण पौडेल रहेको जिल्ला प्रहरी कार्यालय अर्घाखाँची सुचना अधिकृत झलक शर्माले जानकारी दिनुभयो ।
सन्धिखर्क नगरपालिका -९ टारीमा सोमवार विहान दुर्घटना भएको थियो । सोमवार विहान अर्घाखाँची सन्धिखर्क नगरपालिका-९ टारी मा फोर्स गाडी अनियन्त्रिक भइ सडक देखि करिव ३० मिटर तल खस्दा दुर्घटना भएको थियो ।
गम्भिर घाइते गुल्मी मदाने गाउँपालिका वडा नं.-६ वस्ने वर्ष ३२ को तारा सेन के.सी ढाड र टाउकोमा चोट लागि अवस्था गम्भिर रहेकाले बुटवल तर्फ रिफर गरिएको छ । २० जना घाइतेको अर्घाखाँची अस्पतालमा उपचार भइरहेको जिल्ला प्रहरी कार्यालय अर्घाखाँची प्रमुख दिवश जिसिले जानाकारी दिनुभयो ।
सवारी चालक पनि घाइते रहेको बताइएको छ । गाडीमा चालक सहित २६ जना रहेकोमा ४ जनाको अवस्था रहेको प्रहरीको भनाइ रहेको छ । गाडीमा ८ जना बच्चा रहेको प्रहरीले बताएको छ ।
