पछिल्ला केही महिनामा, विमान भित्र अभद्र व्यवहारको धेरै खबर आएका छन् । एक व्यक्तिले नजिकैका अर्का यात्रुमाथि पिसाब फेरिदिने, यात्रीलाई विमानस्थलमा नै छोडिदिनेदेखि महिलालाई विमानभित्र बिच्छीले टोक्रेसम्मका केही अनौठा घटनाहरू सार्वजनिक भएका छन् । अब यस्तै अर्को अनौठो घटना ‘भ्यू फ्रम द विङ’को रिपोर्टमा प्रकाशित भएको छ, जसमा एक महिलाले उडानका क्रममा विमानको भुईँमा ‘पिसाब फेर्न बाध्य’ भएको बताएकी छन् । महिलाले एयरलाइन्सका कर्मचारीले उनलाई धेरै घण्टासम्म विमानको शौचालय प्रयोग गर्नबाट रोकेको दाबी गरेकी छिन् ।
सामाजिक सञ्जालमा शेयर गरिएको छोटो क्लिपमा महिलालाई विमानको भुईँमा बसेर चालक दलका सदस्यहरूसँग बहस गरिरहेको देख्न सकिन्छ । यो भिडियोलाई लिएर सामाजिक सञ्जाल प्रयोगकर्ताहरूले गहिरो असन्तुष्टि व्यक्त गरेका छन् । एक प्रयोगकर्ताले भनेका छन्, ‘यो घृणित छ ।’ अर्का प्रयोगकर्ताले भनेका छन्, ‘यहाँसम्म कि मेरो बिरालो नै सफा–सुग्घर छ । उसलाई शौचालय नलगेसम्म धैर्यताका साथ कुरिरहेको हुन्छ । ’ यस्तै अर्का व्यक्तिले लेखेका छन्, ‘हरेक दिनले सभ्यतागत पतनको एक हिस्सालाई अघि बढाउँछ ।’
