अर्घाखाँची । जिप दुर्घटना हुदाँ दुई जनाकाे मृत्यु भएकाे छ । जिल्लाकाे मालारानी गाउँपालिका–३ ढुङ्गाडे स्थित लुटीपोखरी–खनदह भित्री सडकखण्डमा आईतवार विहान जिप दुर्घटना हुँदा दुई जनाको मृत्यु भएको छ भने दुई जना घाइते भएका छन्।
मालारानी – ३ लुटीपोखरीबाट मालारानी – ४ खनदहतर्फ जाँदै गरेको लु २ च २९९० नम्बरको सिङ्गल क्याब जिप अनियन्त्रित भई दुर्घटना भएकाे हाे । दुर्घटनाको खबर प्राप्त हुनासाथ ईलाका प्रहरी कार्यालय खनबाट प्रहरी निरीक्षक जगन्नाथ मरासिनीको कमाण्डमा ७ जना प्रहरी टोली घटनास्थलमा खटिएको थियो ।
दुर्घटनामा गम्भीर घाइते भएका चालक दिलिप खनाल र बालकृष्ण रिजाललाई उपचारका लागि जिल्ला अस्पताल सन्धिखर्क लगिएकोमा बिहान ५:५५ बजे चिकित्सकले मृत घोषणा गरिएकाे प्रहरी निरिक्षक मरासिनीले जानकारी दिनुभयाे । अन्य दुई घाइतेलाई थप उपचारका लागि बुटवल रिफर गरिएको जिल्ला प्रहरीले जनाएको छ ।
